Ջրափիի միջնակարգ դպրոցը դեռ ամիսներ առաջ էր դասվար փնտրում, անգամ առաջին դասարանցի 5 փոքրիկները ֆեյսբուքում ֆլեշմոբ էին կազմակերպել, պաստառ պատրաստել՝ նշելով, թե փնտրում են դասվար: Դա էլ չօգնեց, եւ մարզկենտրոնից մոտ 40 կմ հեռավորության վրա գտնվող գյուղում որպես ուսուցիչ աշխատելու ցանկություն հայտնող այդպես էլ չգտնվեց: Ջրափիի միջնակարգ դպրոցից հայտնում են, որ դասվարի թափուր տեղի համար մրցույթը կկայանա սեպտեմբերի 18-ին, բայց մինչ այս պահը դեռ որևէ հայտ չեն ստացել, իսկ առաջին դասարանցիներին այսպես ասած՝ յոլա են տանում մյուս դասարանների ուսուցիչները, հուսալով, որ դասվարի հարցը մոտ ապագայում կլուծվի: Համայնքում համապատասխան կրթություն ստացող կամ ստացած բնակիչ չկա, հեռավոր համայնքների մանկավարժներին էլ սահմանամերձ Ջրափին չի ձգում, որպես ճանապարհածախս մարզպետարանը ընդամենը օրական 1000 դրամ է հավելյալ հատկացնում ուսուցչի աշխատավարձին, ինչը բավարար չէ, քանի որ մարզկենտրոնից Ջրափի հասարակական տրանսպորտ չի գործում:

Ուշագրավ է, որ ըստ օրենքի ուսուցչի թափուր տեղի մրցույթ հայտարարվում է օգոստոսի 20-ից հետո, երբ ընդամենը 10 օր հետո ուսումնական տարվա մեկնարկն է:

Ամբողջական հոդվածը կարող եք կարդալ այս հասցեով՝ : https://hraparak.am/post/639111366922fad2b37fdb607110f32a